26 сәуір күні А.Тайманов атындағы № 34 мектеп-гимназиясында Елбасымыз Н.Ә.Назарбаевтың «Болашаққа бағдар: рухани жаңғыру» бағдарламалық мақаласы негізінде «Ашық есік» күні ұйымдастырылып, түрлі шаралар өтті.
Мақсаты: Мемлекет басшысы Н. Ә. Назарбаевтың «Болашаққа бағдар: рухани жаңғыру» атты мақаласындағы қоғамды рухани жаңғыртудың басымдықты идеяларын оқушылар арасында кеңінен насихаттау болып табылады.
Таңғы жаттығу мен басталып, әр үзіліс сайын күй орындалып отырды. Сағат 10.00ден бастап мектебіміздің «Жас ұлан» ұйымының оқушылары келген ата-аналарды,қонақтарды қарсылады. Үлкен үзілісте мектепішілік сап түзеуде өтетін іс-шаралар жоспарымен таныстырылып, оқушылар марапатталды. «Ел жүрегі-Астана» Астана қаласының 20 жылдығына арналған шара, букроссинг, ұлттық ойындар, асық ату, «Бес асық», Арт-терапия, «Шың шеберде-мін болмас» көрме, мұражай жұмыстары көрсетілді. Кітапханада 1е, 4ж сыныптармен «Кітап білім бұлағы», «Денсаулық –зор байлық» атты шара өткізілді. Үзілістерде үстел теннисі,қол күресі,шашка, флэшмоб, мектеп психологтарының ұйымдастыруымен тренинг болды. 4ә,в сыныптарда «Жұлдызды қала-Астана», 10 «а»сыныбында «Кино әлемі» атты ашық тәрбие сағаттары оздырылды. «Гүлден мектеп» акциясы бойынша гүлдер табысталып, мәжіліс залында ТЮЗ үйірмесінің қойылымы «Золушка» көрсетілсе, робототехника, ғарыш жетістіктері, ғылыми жобалар, «Жас қыран» ЖЖИ, «Тарихтан тағылым», шеберлік сағаттары бойынша әр түрлі жұмыстар көрсетілді. Шара «Гүл көктемді қарсы алып, би билейміз, ән салып» ән,би,күй үйірмелерінің есептік концертімен жалғасты. Бастауыш сыныптары үйірмелерден көрініс көрсетіп, 10а,ә сыныптары «Ұландар» әскери патриоттық шеруі, «Асқақтай бер Астанам!» атты «Жұлдызды отбасы» отбасылық ән байқауымен қорытындыланды.