Қазақстан Республикасы Тәуелсіздігінің 30 жылдығына орай 17- қараша күні А.Тайманов атындағы №34 мектеп-гимназиясында облыстық іскер әйелдер кеңесінің мүшелері «Жетістіктер тарихы» атты шеберлік сыныбын ұйымдастырды. Шеберлік сыныпқа А.Губашева, З.Кубеева, Ф.Даумова қатысты. Мақсаты: оқушыларға кәсіпкерлік және бизнес негіздері туралы, өңіріміздегі іскер әйелдердің бизнесі, олардың табыс жолындағы әркеттері туралы айтып таныстыру, насихаттау. Кездесуге 10-11 сынып оқушылары қатысып, олар өз кезегінде келген қонақтарға туындаған сұрақтарын қойып толық жауап алды. Мазмұнды, нәтижелі кездесудің барысында келген қонақтар табыс жолындағы кездескен қиындықтары мен жеткен жетістіктеріне тоқталып қатысушылардың болашақ өмірлеріне бағыт-бағдар беріліп, тұшымды жауаптар алынды.