ҚР Тәуелсіздігінің 30 ж орай мектеп-гимназиямызда 13.12.2021ж «Тәуелсіздік деп соғады жүрегіміз» атты мерекелік концерт өткізілді. Ең алдымен, ҚР мемлекеттік Гимні орындалып, құттықтау сөз мектеп директоры Елжас Елдосұлына берілді. Концертке мектеп-гимназиямыздың ардагер ұстазы Батыров Жұмагелді Калимұлы қатысып, өзінің ізгі тілектерін білдірді. Қалалық, облыстық, республикалық байқаулардың жеңімпазы «Шұғыла» би ансамблі «Шашу» биімен бастап көрермендерді баурап алды. Одан әрі «Әуен» тобының орындауында «Қазақстаным ұлы Отаным ай» әнімен қарсы алып, 4 сынып оқушылары мерекелік тартуын ұсынды. «Алтын ұрпақ» жобасы аясында 4г сынып оқушыларынан құралған домбырашылар ансамблі халық күйі «Келіншекті» орындады. Биыл егеменді ел болып Тәуелсіздік алғанымызға 30 жыл толып отыр осы тұста «Шұғыла» би ансамблі Тәуелсіздік композициясын ұсынды. Ғ.Құрманғалиев атындағы облыстық филармония әншілері Е.Өмірәлі мен Д.Есентемиров әндер шеруін орындады. Концерт соңында ҚР Мемлекеттік туы шығарылып, Әуен тобының орындауында «Қазағым Ұлы елім» әні орындалып, қатысушылар ортаға шықты.